影片
更多
2022-10-18
1210 浏览
性价比极高、老字号蛋包饭💎推荐分数: 8.5/10———————————————————唔知大家钟唔钟意食蛋包饭？不过香港嘅蛋包饭好多时都唔系蛋包饭，而系蛋盖饭，因为对我来讲蛋包饭应该系完全覆盖个饭，而且一切开会流哂出嚟。今次介绍既呢间都唔算系正宗蛋包饭，但佢应该系香港最抵食嘅蛋盖饭。华记士多系一间喺西湾河嘅老字号大排档，主打平民价钱嘅咖喱蛋包饭，位置喺西湾河嘅后巷，令到蛋包饭成为西湾河嘅名物。店舖净系卖三款嘢食，最简单嘅蛋包饭包埋嘢饮，所以非常抵食，咁多年嚟都系加咗好少价。餐厅嘅位置有少少隐蔽，喺大街转入去嘅后巷，真系行过都唔觉嘅小店。餐厅堂食位置就系喺后巷，所以系非常地道，如果对环境有要求、唔想坐喺街度，咁依度就唔系好适合你，因为系露天后巷，所以夏天应该会几热。店舖嘅嘢食一张Menu睇晒，芝士咖喱蛋包饭、咖喱蛋包饭同台式卤肉饭，所有饭都会包一杯嘢饮。-1️⃣ 咖哩蛋包饭 （👅: 8/10）外观睇落去非常吸睛，因为佢蛋睇落去好滑，而且有好多咖喱汁，如果系堂食会更加澎湃，如果切开个蛋包饭，就会见到豉油鸡肉炒饭，不过只蛋就冇流出来，大细就好似一碟碟头饭，滑蛋同咖喱份量都算多，如果女仔食可能会
💎推荐分数: 8.5/10
———————————————————
唔知大家钟唔钟意食蛋包饭？不过香港嘅蛋包饭好多时都唔系蛋包饭，而系蛋盖饭，因为对我来讲蛋包饭应该系完全覆盖个饭，而且一切开会流哂出嚟。今次介绍既呢间都唔算系正宗蛋包饭，但佢应该系香港最抵食嘅蛋盖饭。
华记士多系一间喺西湾河嘅老字号大排档，主打平民价钱嘅咖喱蛋包饭，位置喺西湾河嘅后巷，令到蛋包饭成为西湾河嘅名物。店舖净系卖三款嘢食，最简单嘅蛋包饭包埋嘢饮，所以非常抵食，咁多年嚟都系加咗好少价。
餐厅嘅位置有少少隐蔽，喺大街转入去嘅后巷，真系行过都唔觉嘅小店。餐厅堂食位置就系喺后巷，所以系非常地道，如果对环境有要求、唔想坐喺街度，咁依度就唔系好适合你，因为系露天后巷，所以夏天应该会几热。
店舖嘅嘢食一张Menu睇晒，芝士咖喱蛋包饭、咖喱蛋包饭同台式卤肉饭，所有饭都会包一杯嘢饮。
-
1️⃣ 咖哩蛋包饭 （👅: 8/10）
外观睇落去非常吸睛，因为佢蛋睇落去好滑，而且有好多咖喱汁，如果系堂食会更加澎湃，如果切开个蛋包饭，就会见到豉油鸡肉炒饭，不过只蛋就冇流出来，大细就好似一碟碟头饭，滑蛋同咖喱份量都算多，如果女仔食可能会食唔晒。
饭啱啱整好所以系热辣辣，咖喱应该唔系自家制，好似睇到系用日式咖喱砖，质地唔算浓稠、偏稀身，香味突出，咖喱系有啲似日式𠮶种，食落去系比较甜，带好少嘅辣味。而蛋系半熟状态，咬落去系非常嫩滑，仲会有蛋汁，食落有蛋香味，同咖喱捞埋一齐食非常之夹。
炒饭系用咗豉油去抄，同平时嘅蛋包饭唔同，虽然加入左港式风味，但系炒饭都算几入味，有淡淡豉油味，唔会太咸，饭唔算太湿润，都算干身，系粒粒分明，偏硬身小小但唔系未煮熟。
炒饭入边仲会有鸡肉，鸡肉份量都唔少，每一啖都可以食到鸡肉，鸡肉有腌过，表面有焦香过，肉质唔算好嫩都唔算老。略嫌个饭好似唔够热，同埋如果个饭可以炒得有镬气啲，或者攞去焗一焗会更好。
-
2️⃣ 芝士咖哩蛋包饭（👅: 8/10）
芝士咖哩蛋包饭就系咖哩蛋包饭加上小小芝士，贵五蚊，会见到滑蛋有小小半溶芝士。不过芝士嘅味道唔算突出，只有小小咸香，朋友更加唔肯定系咪食到芝士，以为系沙律酱，所以我觉得唔加钱都得，因为唔觉加左，虽然芝士唔会盖过咖喱嘅味道，无加芝士个饭一样咁惹味。
-
🍊 橙汁（👅: 6.5/10）
橙汁有啲似武无气嘅芬达橙汁，系偏甜但又唔系鲜榨橙汁。
-
🍋 柠汁特饮（👅: 7/10）
柠汁特饮饮落酸酸甜甜，但感觉系人工嘅味道。
-
🌟蛋包饭来讲佢未算话好食到好有惊喜，但呢一个价钱来讲真系非常抵食，冇嘢好要求，如果喺附近返工真系穷人恩物，芝士我觉得唔加都得，如果系特登去就未必，但系附近经过或者扫街都可以考虑。环境方面如果你唔介意咁有风味嘅地方，系可以一试，我自己都好钟意食大排档，所以冇咩所谓。不过如果食紧个时撞正店舖清洁，闻到啲漂白水味就唔系咁开胃。
-
👅味道: 8/10
🍴环境: 6.5/10
=========================
张贴