牛扒先生 (康怡廣場) (已結業)

下午茶叫左个牛扒并薯菜同冻奶茶。牛扒并薯菜，牛扒淋上黑椒汁有浓浓既黑椒味系唔错，牛扒五成熟，肉质咬口非常普通，牛扒边既根位好韧，用刀切劲耐先切得出黎，而且小左牛扒脂肪最应该有既牛油香味，整体非常普通。薯菜反而比较突出，薯条唔油而且表面好脆，好新鲜，蕃茄酱好有茄味，即使系樽装茄汁都拣啱牌子。蕃茄爽口非常新鲜，有轻微火炙过，更能突出蕃茄既香味，配上底下既黑醋汁，非常好食，离奇地有种干炒牛河d汁既感觉，生菜亦非常新鲜爽口，总算挽救番d分数。至于冻奶茶好普通，奶味唔够。lee个下午茶连service charge 69蚊，性价比合理，薯菜好食。