牛摩 (都會駅)

营业中

休息中

之前已經食過牛魔，最近天氣凍，又再嚟食！晚市放題性價比真係高。 咁我揀左最抵食果個餐，有牛有豬有雞，好夠食！都係 178任食。叫咗個蕃茄薯仔湯同埋壽喜燒湯。 蕃茄薯仔湯好濃郁，好重蕃茄味，淥完啲肉可以唔使點豉油，直接食都得。 啲肉全部都好切得好薄，淥一淥就食得，正雞好滑身，有雞味，但係都要點豉油。 雖然我嗌咗最平嗰個餐，但其實牛嘅質素都唔差嘅。 我最鍾意係佢哋個溫泉蛋，個蛋黃啱啱好，少少實心，好香蛋味！用嚟配牛肉同豬肉都好好食。今日仲有皮蛋餡嘅牛丸，好特別嘅味道。仲有羅勒芝士流心丸，又係出面冇見過嘅丸，味道都幾得意好食。 呢度上菜都快，侍應加湯都加得好密。 今次仲有芝麻糊，唔太甜幾濃芝麻味，好食。冬天打邊爐真係好正。 同埋平平哋，又可以任食。 女仔食得唔太多嘅話，其實嗌最平嗰個餐已經夠。 因為牛嘅質素都OK。