巴巴串

营业中

休息中

今日同同事放工想揾个地方倾偈食嘢，同事提议近近地去观塘开源道骆驼漆大厦食串烧放题。巴巴串地方及坐位阔落坐得舒适，系一间有自动旋转烤炉嘅自助式串烧放题。最基本嘅A餐有近百种食物可以选择，B餐及C餐可因各人口味追加唔同级数食物，例如选择C餐即有美国SRF极黑和牛， 西班牙伊比利亚猪梅片，纽西兰羊架 ，日本松叶冻蟹脚，亦即系A+B+C所有食物可选。自助吧有多款串烧食材自取，攞返坐位放自转烤炉上可一边炸一边倾偈。自助吧亦有多款熟食，海鲜冷盆有熟海虾、青口、翡翠螺，前菜有芝麻八瓜鱼、蒜味螺肉、泰式凤爪、大虾沙律，吉列虾，甜品，雪糕，饮品应有尽有。自家腌制嘅串烧肉类好入味，前菜，熟食，冷盆，甜品各样都美味。环境舒适适合三五知己，朋友聚餐嘅好地方。