影片
更多
2018-12-10
288 浏览
因为朋友仔今个圣诞会外游庆祝，所以今日就约左o系尖少咀行下街食个饭，预祝一下。逛左一整日，谂住平平地咁食个 Christmas Set 。估唔到咁有酒店级水准，而且服务亦好周全。首先，先讲讲「意式冻肉拼盘」，佢由巴拿马火腿、辣肉肠、烟三文鱼、青瓜片、腌车厘茄、橄榄、火箭菜以及意式面包棒既组合面成，其实份量系适合2-4人的，所以我哋两个人食其实都得几饱下。咸香既巴拿马火腿、惹味既辣肉肠配火箭菜食，送红酒一流。意式面包棒，焗得脆卜卜，薄薄地咁逐啖食，好鬼滋味。佢既车厘茄系由黑椒、蒜蓉及秘制酱汁腌制而成的，酸甜之中带有黑椒既香辣刺激感，非常开胃。第二道菜「利古里亚海鲜薄饼」，佢系由虾肉、青口、鱿鱼、蚬肉、酸豆、橄榄、银鱼柳酱、焗面包碎、蒜蓉、蕃茜、柠檬配白汁焗制而成，份量足料既Pizza不再话下，不得不提佢既饼底焗得好薄又脆(即使饼底冻左都系甩脆的，唔好淋晒)，就好似食紧薯片一样，而且咸香味适中，真系真心赞。第三道菜「菠菜芝士意大利云吞」，意大利云吞酿入菠菜蓉及软芝士，配以红洋葱、白酒、忌廉、巴马臣芝士、罗勒、合桃作馅料。整道菜色制作得很精致，云吞既面层都铺满经炸过的龙虾须，每一条炸至都脆卜
首先，先讲讲「意式冻肉拼盘」，佢由巴拿马火腿、辣肉肠、烟三文鱼、青瓜片、腌车厘茄、橄榄、火箭菜以及意式面包棒既组合面成，其实份量系适合2-4人的，所以我哋两个人食其实都得几饱下。咸香既巴拿马火腿、惹味既辣肉肠配火箭菜食，送红酒一流。意式面包棒，焗得脆卜卜，薄薄地咁逐啖食，好鬼滋味。
佢既车厘茄系由黑椒、蒜蓉及秘制酱汁腌制而成的，酸甜之中带有黑椒既香辣刺激感，非常开胃。
第二道菜「利古里亚海鲜薄饼」，佢系由虾肉、青口、鱿鱼、蚬肉、酸豆、橄榄、银鱼柳酱、焗面包碎、蒜蓉、蕃茜、柠檬配白汁焗制而成，份量足料既Pizza不再话下，不得不提佢既饼底焗得好薄又脆(即使饼底冻左都系甩脆的，唔好淋晒)，就好似食紧薯片一样，而且咸香味适中，真系真心赞。
第三道菜「菠菜芝士意大利云吞」，意大利云吞酿入菠菜蓉及软芝士，配以红洋葱、白酒、忌廉、巴马臣芝士、罗勒、合桃作馅料。整道菜色制作得很精致，云吞既面层都铺满经炸过的龙虾须，每一条炸至都脆卜卜，而且红危真系好有圣诞气氛呀。唔知以为今日已经系圣诞节喇。云吞侔汤由南瓜蓉加少少龙虾肉煮制而成，鲜味大足，每一啖都有南瓜蓉和龙虾肉在你口腔中跳舞狂欢一样。
最后到「甜品拼盘」，有「朱古力心太软」、「士多啤梨山莓果酱忌廉蛋白饼」、「柠檬果酱挞」，朱古力心太软，软心香软滑溜，入口即溶。而士多啤梨山莓果酱忌廉蛋白饼则香脆威化，每一口层次分明。柠檬果酱挞清新怡人，中和返之前两走既甜味，真系无懈可击。
第一杯红酒系随餐附送的，之后我哋每人再叫左两杯红酒都系$38/杯，但系味道都已经好Balance，真系好抵饮呀，真心推介。另外，我哋都叫左一杯 Mango & Ginger 冰凉特饮，系由芒果蓉、干姜水、薄荷调制成的，估唔到芒果同姜味系可以咁夹的，加埋薄荷冰凉既快感，真系【好鬼Ger 呀】。 大人小朋友都岩饮~Yeah~
张贴