魚一壽司 (教育路)

营业中

休息中

佢同我揾食都好一段时间，教育路真系越开越多日本餐厅其实每一间个门面都唔系特别光线同身，所以都系求其行入一间试吓。听朋友讲以前呢间日本餐厅有自选鱼生嘅午餐，点知今次嚟到原来已经冇咗，不过佢𠮶啲lunch set到几吸引而且真系好平！叫咗个「竹」嘅寿司定食，入面有所有嘢都系火炙嘅，有左口鱼、三文鱼、蟹棒、牛肉他他、海虾、穴子、带子等等，如果呢一对寿司系出边食绝对系讲紧$150 Minimum，呢度竟然只系$98咋而且质素真系唔差，好抵呀！另外一个定食叫咗银雪鱼西京烧，呢一个菜式系我去每一间日本餐厅都会必点嘅菜式，因为银雪鱼西京烧真系好能够考起𠮶间餐厅嘅厨师功力，。然而出边嘅银雪鱼西京烧定食大部份都会定价系$198左右，但系呢度竟然只系$78咋！都系果句，佢质素真系唔差，银雪鱼烧到外脆内软，虽然食得出唔系好高级嘅银雪鱼，但系呢个价钱我真系唔会祈求太多，西京既味道亦都非常入味，鱼嘅size亦都适中，性价比高到吓亲自己，我相信我一定会再返嚟食呢一个定食。