Oak Tree Ristorante (已結業)

喺九龙弥敦道仲要近地铁站，可以有一个宁静舒适餐厅，已经真系唔易找！OK已经香港地大陆消费客沦陷！连尖沙咀茶餐厅都要六七十蚊先可以落楼的时候！𠮶日下昼同事话要见过客响佐敦，呢一间意大利餐厅一定系唔失礼的好提议！地方好宽阔，话哂酒店咖啡厅见，可能个老板系鬼佬，D侍应全部可以应付用英文Order，哈哈！之前早餐已经试过，可能要应付酒店的早餐客人，做得马虎唔系咁好食，似乎系用最平的鸡肉肠，但下午茶就简直系超值，德国咸猪手配意粉，层皮系焗脆咗，都几大份只系收40几蚊，而个客叫咗三文鱼沙律，唔特别，反而我再点多个潜艇三文治share, 就值得一赞，因为新鲜热辣即做，个包系有烘脆咗，但因客已经食咗，唔记得影相，而送埋杯咖啡都已经超值，以咁嘅收费仲平过快歺店大X活仲要一提，俾你由两三点一路坐到下午五六点，个意大利（鬼佬，应该系）老板好斯文，绝无诈型，我都忍唔住果日两个人食咗三个餐！