大同韓燒 (已結業)

年尾年头都好多饭局，唔揾间性价比高嘅餐厅真系荷包大伤！今次就同朋友去左一间大角咀既韩烧餐厅，晚饭时间除返开，唔洗二百就可以食2个钟。韩烧个炉会放左一张吸油纸，所以烧嘢食嘅时候就会冇咁容易痴获。以自助式烧烤形式，自己去食材区拎嘢食，除咗唔同肉类外，猪羊牛咩都有，仲有唔同既腌制方法，腌到入哂味，又唔会太咸，仲有鲜冬菇、翠玉瓜、茄子等蔬菜，同埋扇贝、龙脷柳、鱿鱼等海鲜类提供，可以食得均衡。其中，鱿鱼系我致爱，新鲜弹牙！烧肉既时候，仲可以自己拎生蒜、辣椒、豆瓣酱等，配埋泡菜，用生菜包住泥食。系啲烧肉未食得之前，可以食下啲前菜医肚先，泡菜种类多，腌萝卜、芽菜、菠菜都好够味，但白菜泡菜就偏酸。另外，辣味年糕都值得一试，味道有少少辣，好吸味，冬天食完个人即刻热返哂。饮品方面，除左普通既有气汽水同纸包饮品外，仲可以拣呢度既韩式汤。我就拣左一碗紫菜花甲汤，好足料，一拎起就见到好多紫菜同花甲。另外，我都饮左好多乌龙茶同绿茶泥消食，减低油腻感。食完正餐，又点少得甜品呢！有四五种唔同口味嘅雀巢雪糕杯可以选择，例如红豆味、芝麻味、云呢拿味等。