初遇

营业中

休息中

平时都好少去沙田，不过最近听朋友介绍，呢度有间台式餐厅嘅下午茶好抵食，咁今日就特登搭车嚟试吓啦。一去到估唔到平日嘅下午三点都咁多客人，不过好彩有位，佢嘅位置差唔多全部都系卡位非常好坐。朋友话呢度最出名嘅系臭臭锅，咁就一于叫一个嚟试吓啦，不过因为唔食臭豆腐嘅关系，所以就叫咗一个麻辣海鲜锅。一上台估唔到有咁多海鲜，而且食落都好辣，海鲜非常新鲜。我觉得最抵赞嘅就系虾，因为够晒大只之余，而且肉质好弹牙。佢嘅蚬都好大只同埋好多，一食就知道系新鲜嘅食材。另外我哋仲嗌咗个拼盘，拼盘用九宫格嘅形式上，非常适合打卡。我觉得最大赞嘅就系个台式香肠同埋牛肚，除咗份量好多之外，味道都一流。饮品方面，呢杯香芋珍珠奶茶都好出色，饮落唔会太甜，但系芋头味好够，珍珠都有少少甜同奶茶好夹。呢间餐厅又平又抵食，唔怪得咁多人介绍啦。就算唔系住喺沙田都应该特登嚟试吓。