Harbourview Grill (香港科學園)

营业中

休息中

同朋友踩单车经过科学园， 中途入咗呢间新开嘅餐厅歇脚，系平日两点多的时间，本来只系谂住食啲小食，看过餐牌后， 发觉佢啲午餐仲有供应， 而且价钱便宜，由88蚊起，已包餐汤餐饮，加些少钱仲可以转饮餐酒或啤酒 ，所以一于试下。 呢间餐厅新开， 落地玻璃对正吐露港， 海景一览无遗， 而且餐厅楼底好高， 枱与枱之间有充分空间， 可以用宽敞嚟形容。 食物方面， 要左一份希腊沙律， 一碟当日意粉同一份炭烧肉眼牛扒。 沙律新鲜好味，材料丰富， 意粉就味道正常，卖相一般。 份肉眼扒就正喇，大概200g左右， 烤得有少少㶶有脆口感，肉嫩多汁， 最重要系套餐价只不过系128蚊一份， 简直超值！