影片
更多
2021-09-20
475 浏览
未见官先打三十大板，呢句说话套用喺今次用餐体验都几恰当，因为我地原先以为黄大仙竹园嘅明星海鲜烧鹅专门店系喺地铁站附近，点知一search google map先知原来竹园广场位置喺山上，由黄大仙站行上去起码要15分钟，好彩我预早左时间，同埋当晚唔算好炎热，我就一步一生咁慢慢涧上去，后尾同朋友讲起，佢地话啲人通常系搭lift上去又或者喺地铁站出口搭小巴上去，大热天时好少会咁样走上去嘅.......言归正传，虽然笔者未见食物先耗费体力，但系之后嘅用餐体验实在令我心情由谷底弹返上嚟，因为三个字：平、靓、正！！！好耐无试过啲酒楼系咁好食而又抵食的了，我地最后除返开，每人平均食左$100唔到，但食物质素之高、种类之繁多、服务之殷切，真系令我一试就爱上~我地一行六人，嗌左两只片皮鸭、(其中一只片皮鸭二食：凉瓜炒鸭件)、芝士焗龙虾伊面、什菜粉丝煲同埋一份赠送嘅乳鸰，每一道菜式都非常好味，系好正宗嘅粤式煮法，其中片皮鸭真心最值得推介，热腾腾嘅么么包住肉质厚嫩嘅鸭片，再配埋青瓜条同秘制酱料，入口即溶，简直系人间美味！份量方面亦非常多，尤甚系凉瓜炒鸭件，鸭件多到好似唔使钱咁，所以到最后我地几个都食唔哂，要
言归正传，虽然笔者未见食物先耗费体力，但系之后嘅用餐体验实在令我心情由谷底弹返上嚟，因为三个字：平、靓、正！！！好耐无试过啲酒楼系咁好食而又抵食的了，我地最后除返开，每人平均食左$100唔到，但食物质素之高、种类之繁多、服务之殷切，真系令我一试就爱上~
我地一行六人，嗌左两只片皮鸭、(其中一只片皮鸭二食：凉瓜炒鸭件)、芝士焗龙虾伊面、什菜粉丝煲同埋一份赠送嘅乳鸰，每一道菜式都非常好味，系好正宗嘅粤式煮法，其中片皮鸭真心最值得推介，热腾腾嘅么么包住肉质厚嫩嘅鸭片，再配埋青瓜条同秘制酱料，入口即溶，简直系人间美味！份量方面亦非常多，尤甚系凉瓜炒鸭件，鸭件多到好似唔使钱咁，所以到最后我地几个都食唔哂，要打包拎返屋企食~
店内环境方面，我地获安排坐喺一个几开扬嘅六人枱，可以望到大电视，同其他枱嘅距离亦都算远，所以整体嚟讲都坐得几舒服！
到最后埋单，每人都只系需要俾$98，真系好抵食呀！所以总括嚟讲，除却交通不便呢一点之外，其他方面嘅质素真系高，真心值得推介！！
张贴
