古早牛肉麵 (已結業)

古早牛肉面都几出名，位于深水埗，地铁站行几分钟就到，都几方便。同一条街都有好多食店，竞争好激烈啊，不过今晚接近8:30pm 入面都唔少人。Menu都几多选择，仲有好多小食例如甜不辣，蛋饼，由于我一个人净系叫左牛三荟，即系牛腱、牛筋同牛肚面，仲有一杯蜂蜜芦荟乌龙茶加珍珠。首先，讲下个面条。面条非常有咬劲，啖啖都系弹牙。之前特登睇食评d人话好淋，可能水准飘忽d？个汤底喺牛骨熬成，有好浓嘅牛肉香味，仲带有啲甜味，再香辣多少少就正啦。牛腱、牛筋同牛肚。佢哋嘅牛腱好腍，喺口中好易化开，同时带有淡淡嘅牛肉味，同埋好大旧啊！牛筋方面，经过长时间炖煮，变得非常腍滑，口感好好。至于牛肚就正常发挥，有弹性。饮品我叫左蜂蜜芦荟乌龙茶加珍珠，非常解渴。芦荟同珍珠劲大杯，特别珍珠好弹牙，非常好味。