影片
更多
2018-01-05
804 浏览
话说我呢一个日本迷最钟意就系去食厨师发板嘅寿司㗎啦，但系次次食亲都好鬼贵，今次个friend就推介我去食一间性价比超高嘅厨师发板寿司店，我哋点仲要好方便喺尖沙咀，唔使入到大西北先有得食。识得厨师发板当然要订位啦，因为位置唔系好多，基本上都冇得就咁行入去食，但系估唔到我哋订左位之后，入到去见到佢哋用纸仔接咗我哋个名出嚟，好窝心呀。佢哋嘅晚餐有几个选择，我今次就拣咗＄750𠮶一set。食咗前菜先，个前菜都有好多唔同嘅款式啦，除咗有枝豆，玉子，茶渍八爪鱼之外，仲有软壳蟹卷，最特别嘅系佢又做咗一啲好似欧洲嘅肉酱，分别有鸡肉包大葱，猪肉葱卷，仲有个鸡肉萝卜，好特别啊，好少喺亚洲地区食到呢啲，而且要花好多心思整，个味又配得啱啱好，食到好清新嘅感觉，冇乜落调味料，真正嘅食材味道，另外佢有个甜甜地嘅海藻，呢个超级好食，甜甜地又开胃，真系想买够一樽返屋企慢慢㗳，另外有个好特别嘅系用咗红色嘅柿包住芝士，出面真系食唔到，仲要好好食，每一次食厨师发板都系一次新奇有趣嘅体验。食完前菜就食刺身啦，有池鱼同埋鲷鱼，两样都好新鲜，咬落重好有咬口添，最有趣嘅事佢陪左紫苏苗同紫苏花，可以夹住一齐食，紫苏苗就有少少辣，紫苏
识得厨师发板当然要订位啦，因为位置唔系好多，基本上都冇得就咁行入去食，但系估唔到我哋订左位之后，入到去见到佢哋用纸仔接咗我哋个名出嚟，好窝心呀。佢哋嘅晚餐有几个选择，我今次就拣咗＄750𠮶一set。
食咗前菜先，个前菜都有好多唔同嘅款式啦，除咗有枝豆，玉子，茶渍八爪鱼之外，仲有软壳蟹卷，最特别嘅系佢又做咗一啲好似欧洲嘅肉酱，分别有鸡肉包大葱，猪肉葱卷，仲有个鸡肉萝卜，好特别啊，好少喺亚洲地区食到呢啲，而且要花好多心思整，个味又配得啱啱好，食到好清新嘅感觉，冇乜落调味料，真正嘅食材味道，另外佢有个甜甜地嘅海藻，呢个超级好食，甜甜地又开胃，真系想买够一樽返屋企慢慢㗳，另外有个好特别嘅系用咗红色嘅柿包住芝士，出面真系食唔到，仲要好好食，每一次食厨师发板都系一次新奇有趣嘅体验。
食完前菜就食刺身啦，有池鱼同埋鲷鱼，两样都好新鲜，咬落重好有咬口添，最有趣嘅事佢陪左紫苏苗同紫苏花，可以夹住一齐食，紫苏苗就有少少辣，紫苏花我食唔惯可以摆落去豉油𠮶度，都可以增加香气，呢个配搭可以令到个刺身嘅鲜味更加出，通常出面食池鱼都会比个酸汁，但系呢度就唔使，都好有𠮶只鱼味，食物嘅新鲜真系好重要。另外仲有一只美人蚝，上面加左三文鱼子，隔离仲有一杯紫苏汁系配呢只蚝嘅，之后虽然细细只，但系超级甜，而果汁就有少少酸味，啱啱好吊起晒成只蚝嘅鲜味，超级正。
之后食烧物同埋天妇罗，天妇罗有目光鱼，青豆，番薯，最特别系出面冇食过目光鱼，原来啲鱼肉好滑，炸完里面都仲好多汁，仲可以成条食晒，鱼头一啲都唔苦。另外配左少少甜甜地枝豆，第一次咁样食枝豆，原来好好味㗎 ，好似糖咁样，好开胃。热烧物方面就有烧𫚕鱼，好浓烈嘅鱼味，鱼肉比较硬身，配埋萝卜食会有更清新嘅感觉。之后就到我哋今晚嘅主角，寿司出场啦。
𫚕鱼腩超肥美，味道带甘，鱼身比较硬，几弹牙有咬口。
中拖罗
估唔到第二件已经系中拖罗，咁后面𠮶啲一定更加好啦，中陀螺入口即溶，如有嘅香味有一入口开始渗出嚟。
金目鲷
平时我唔钟意食鱼皮嘅，但系今次师傅用火轻轻辣个㖞个鱼皮，好香好趣，鱼肉好弹牙好有咬口同埋好新鲜。
甜虾
个紫菜吹脆脆，第一次见咁样包，一啲都冇黐住饭林晒，甜虾真系甜到好似加左糖咁，好creamy ,将住个口，上面加番啲甜虾子，成个卖相好精致。
梳子鱼第一次听呢种鱼，唔怪之得中拖罗都只系摆第二啰，师傅用火轻轻烧过，令到成个香味好出，呢款与有少少清新嘅甘香味，而且啲肉好绵，又唔系好重鱼油会溶果一种，质感好特别。
凡立贝
上面已经加左酱油，同声粒凡立贝嘅味道好衬，仲好大粒添，食落好新鲜，冻冻地咁样舌头为之一震。
左口鱼
左口鱼有佢独特嘅鲜美，而且肉质好弹牙，有啲似河豚嘅质感。
海胆
海胆下面有饭，上面有三文鱼子，成个海胆杯咁，啲海胆好重海水味，非常甘甜，一啲都唔腥。
最后饮埋个味增汤同埋有个好好食嘅炊饭，本来以为远啦，点知原来仲有甜品，整个甜品真系好大份，有绿茶蕨饼，甜甜地好重绿茶味，士多啤梨好新鲜，甜度适中，另外仲有柚子雪芭，冻冰冰酸味味，好消滞。买单仲要唔使加一，最平𠮶个餐只系＄650 ,平时食一个厨师发板起码都＄1000落楼，仲要未必够饱，呢度款式又多，而且一定食得饱，最紧要系啲质素绝对唔差，师傅识讲英文又风趣幽默，真系值得再嚟食过。
张贴
