影片
更多
2022-07-27
129 浏览
住左大西北咁耐，都未试过位于教育路嘅「一番日本料理」，最近街坊们热烈推介，仲话餐厅标榜食材由日本搭飞机运抵香港，所有食材都好新鲜，既然系咁，我就真系要试下啦。坐低之后店员就放低左个纸杯，细心留意下原来佢里面有茶叶同茶隔，真系好特别呀，我都系第一次见咋。餐牌上选择都好多，刺身、小食、锅物、定食、拉面样样齐。野菌杂菜豆腐锅 ：野菌杂菜豆腐锅相对轻盈，汤底选择好多，有清汤，蕃茄，猪骨，酱油，面豉，朝鲜同埋地狱。钟意食蕃茄嘅我，当然拣左蕃茄啦，汤底非常香甜，蕃茄味香浓，配菜有好多，包括油扬、野菌、杂菜、豆腐、茄子，翠玉瓜、红萝卜、南瓜同埋金菇，一路食一路用匙更去寻宝，越揾越多配菜，真系令人有惊喜。至于粉面方面就有水晶粉，如果喜欢嘅话，可以加＄10转乌冬底，或者＄20 转稻庭乌冬。刺身方面都好多选择，除左单点之外仲有预设组合，今次就拣左牡丹虾/鲜带子/三文鱼。牡丹虾（原只）+鲜带子（4片）+三文鱼（3片）：牡丹虾 :牡丹虾卖相相当吸引，入口鲜甜。带子：带子好有弹性，味道鲜甜，入口滑嫩。三文鱼:三文鱼非常新鲜，肥美甘香，油脂分布平均，入口鲜甜，配埋Wasabi食，整体味道非常夹。总括来讲，刺身都算
住左大西北咁耐，都未试过位于教育路嘅「一番日本料理」，最近街坊们热烈推介，仲话餐厅标榜食材由日本搭飞机运抵香港，所有食材都好新鲜，既然系咁，我就真系要试下啦。
坐低之后店员就放低左个纸杯，细心留意下原来佢里面有茶叶同茶隔，真系好特别呀，我都系第一次见咋。餐牌上选择都好多，刺身、小食、锅物、定食、拉面样样齐。
野菌杂菜豆腐锅 ：
野菌杂菜豆腐锅相对轻盈，汤底选择好多，有清汤，蕃茄，猪骨，酱油，面豉，朝鲜同埋地狱。
钟意食蕃茄嘅我，当然拣左蕃茄啦，汤底非常香甜，蕃茄味香浓，配菜有好多，包括油扬、野菌、杂菜、豆腐、茄子，翠玉瓜、红萝卜、南瓜同埋金菇，一路食一路用匙更去寻宝，越揾越多配菜，真系令人有惊喜。至于粉面方面就有水晶粉，如果喜欢嘅话，可以加＄10转乌冬底，或者＄20 转稻庭乌冬。
刺身方面都好多选择，除左单点之外仲有预设组合，今次就拣左牡丹虾/鲜带子/三文鱼。
牡丹虾（原只）+鲜带子（4片）+三文鱼（3片）：
牡丹虾 :牡丹虾卖相相当吸引，入口鲜甜。
带子：
带子好有弹性，味道鲜甜，入口滑嫩。
三文鱼:
三文鱼非常新鲜，肥美甘香，油脂分布平均，入口鲜甜，配埋Wasabi食，整体味道非常夹。
总括来讲，刺身都算高质，以$88有齐三款刺身，都算系性价比高。
张贴
