梅 日本料理

营业中

休息中

最近好多朋友都去日本旅行，搞到我都心思思想食日本野，见骆驼漆有间新开嘅日本餐厅，就决定上嚟试下。依度星期六晚市都唔算太多人，崴餐厅装修充满日本风格，啱晒三五知己一齐上嚟食饭倾计。餐厅食物选择超级丰富，寿司、丼饭、拉面都有，连小食嘅选择都好多。我见餐牌嘅寿司set几吸引，就叫咗个寿司盛盒。我朋友唔食鱼生，就叫咗个丼饭set。梅寿司盛盒套餐（$139）依个寿司set超抵食，有成12件寿司，仲要大部分都系鱼生。鱼生件件都好厚切，特别系个带子寿司，超级厚身，而且好鲜甜。个set仲包咗个细沙律同鸡肉棒串，个沙律超多蟹籽，个鸡肉串啖啖肉，完全冇因为跟餐就送就hea 人，女仔食晒成个餐都几饱下。盐葱烧牛肋肉丼（$86）依个饭系我朋友叫嘅，偷食咗佢一啖个牛肋肉，个牛肋肉好淋好香，有成五块之余每块都几大块旧，加埋捞咗蛋黄嘅饭真系好好食。个餐除咗跟个面豉汤同沙律之外，仲有两个泡芙做甜品，真系好抵食。