影片
更多
2023-01-26
1051 浏览
平时食铁板烧真心唔平，基本上都要400几500蚊一个，但系依到最平嘅套餐只需要$168，而且就算咁平都好，都唔系随随便便求求其其煮比你食就算，真系会系你面前用心煮比你食唔好以为收你$168就冇好嘢食啊，除咗有食铁板烧一定要食嘅牛肉之外，仲有虾、三文鱼等等，就算系比较大食嘅人士都够饱。除咗$168之外，你想食豪也有其他选择，一样都系超高性价比，而且因为每一个套餐都有分别，所以同朋友/情人一齐去的话，可以分别叫唔同嘅套餐，咁就可以试多少少唔同嘅嘢。咁我当日同同行人士分别叫咗$168同$268嘅套餐，咁落完单之后好快就有楼面上咗面豉汤、沙律同前菜，面豉汤饮落去唔似系𠮶啲冲剂面豉汤，而系自己煮嘅面豉汤，但系分别又唔算话好大，只不过系比较重味啲，但又唔系咸味𠮶种重味，不过整体嚟讲系几好饮，系少有我会饮晒嘅面豉汤；咁沙律就冇咩特别，配嘅都系啲好常见嘅沙律汁，而且沙律菜都系新鲜嘅；咁前菜就系好普通嘅胡麻酱青瓜，则系将青瓜切粒之后，再加少少胡麻酱，食落去除咗会食到少少胡麻酱味之外，就系好明显嘅青瓜味，可能系为咗清一清味蕾（？）所以先设计成咁淡，不过都系前菜唔食都唔紧要咁样$168套餐先有三文鱼同虾，师
唔好以为收你$168就冇好嘢食啊，除咗有食铁板烧一定要食嘅牛肉之外，仲有虾、三文鱼等等，就算系比较大食嘅人士都够饱。除咗$168之外，你想食豪也有其他选择，一样都系超高性价比，而且因为每一个套餐都有分别，所以同朋友/情人一齐去的话，可以分别叫唔同嘅套餐，咁就可以试多少少唔同嘅嘢。
咁我当日同同行人士分别叫咗$168同$268嘅套餐，咁落完单之后好快就有楼面上咗面豉汤、沙律同前菜，面豉汤饮落去唔似系𠮶啲冲剂面豉汤，而系自己煮嘅面豉汤，但系分别又唔算话好大，只不过系比较重味啲，但又唔系咸味𠮶种重味，不过整体嚟讲系几好饮，系少有我会饮晒嘅面豉汤；咁沙律就冇咩特别，配嘅都系啲好常见嘅沙律汁，而且沙律菜都系新鲜嘅；咁前菜就系好普通嘅胡麻酱青瓜，则系将青瓜切粒之后，再加少少胡麻酱，食落去除咗会食到少少胡麻酱味之外，就系好明显嘅青瓜味，可能系为咗清一清味蕾（？）所以先设计成咁淡，不过都系前菜唔食都唔紧要
咁样$168套餐先有三文鱼同虾，师傅会喺你面前细心煎好，唔好以为咁平，份量就好少，嚿三文鱼都差唔多有我手掌咁长，而且食落去一啲都唔腥，我好怕食熟嘅鱼系腥，而呢一间一啲都唔腥，净系用咗牛油去调味，但系已经好好食，剪得好香；咁虾又再配啲黑椒同盐，加上肉质弹牙，个人比较钟意食虾多少少，因为惹味啲。
咁$268𠮶套餐就系先有鲍鱼仔同虎虾，鲍鱼仔用咗黑松露酱一齐炒，所以食落去同闻落去都有好重嘅黑松露味，如果唔钟意食黑松露，亦都可以叫师傅转其他调味，而我系超级无敌钟意食黑松露，所以我觉得超好食；另外虎虾嘅肉质非常弹牙爽口，只要配少许调味已经足够
咁食完海鲜就到食肉啦，咁$168就系美国安格斯薄烧牛肉，师傅煎到5成熟，包埋炸到香脆嘅蒜蓉
、煎香左嘅洋葱粒和葱花，非常惹味，虽然佢有额外嘅酱汁比你点，但系我觉得就咁食佢原味先系最好食
另外$268嘅肉就选择咗安格斯牛柳，同样都系煎到5成熟，因为牛柳系食佢嘅肉质鲜嫩，所以太熟会变得太实，太生又食唔到铁板烧𠮶种香，所以5成刚刚好，而且师傅已经调好味，可以不用再加其他调味，不过配上旁边嘅蒜片一齐食也别有一番风味（蒜片单食也好食，好似食紧薯片咁）
最后仲有炒饭、炒菜同甜品，但系我就唔记得咗影
所以依间真系cp值超多，好值得去试吓
以上均是我个人观感，每个人嘅口味各有不同，所以末必同每个人嘅用餐感觉一样，如有不同，敬请见谅。
张贴
