CHICKEN FACTORY (健威坊)

营业中

休息中

同朋友去北角行街，行行下去到健威坊。跟住见到呢间叫做chicken factory嘅餐厅。见到餐牌写住六十八蚊一只鸡， 心谂有冇咁平呀。 但系原来真系咁平，真系好意外居然可以用咁嘅价钱食到鸡。 但系最后我都冇叫到鸡，反而叫咗个烤鸡餐。烤鸡餐包咗一只鸡再加两个盘菜，配菜我地叫咗焗薯同烤杂菜。焗薯散发著阵阵嘅牛油香味🤤🤤🤤，软硬度适中，份量亦都好够，一共有五嚿。唔单止焗薯有牛油味，连啲杂菜都用牛油整。 对于一个钟意食牛油嘅我真系天堂美食😍😍 。只鸡本身已经落咗啲汁去整 啲鸡好嫩滑好香，一啲都唔硬。 总括而言，呢间餐厅真系性价比超高，又抵食又好味。钟意食鸡嘅朋友一定唔可以错过呢间餐厅。