興樂菜館

营业中

休息中

星期五入长洲staycation， 朋友话呢间餐厅价钱最公道，果然平日夜晚食饭都要等位， 不过唔使等太耐。两个人叫左个三𩠌套餐再加个炒饭食唔晒。食椒盐鲜鱿最憎就系鱿鱼硬到咬唔烂，呢间就炸得刚刚好，外面脆卜卜，里面弹牙，配埋个酱汁好鲜甜。鸳鸯生炒骨就系甜酸排骨，材料新鲜，正常水准。红烧豆腐班块好足料，超多旧鱼，又滑。咸蛋鸡粒炒饭真心正，唔似出面落好多油，但啲饭又能够炒到干身粒粒分明。咸蛋唔会太咸，鸡粒好嫩口。两个人食到饱埋数都系300蚊有找。唯一就系个炒饭等左半个钟，其他𩠌都到齐但系冇饭配住食，可能系人太多厨房漏单。唔紧要，当慢慢欣赏下海景。