影片
更多
2025-01-21
120 浏览
今日咁啱喺呢边返工，呢度多数嘅餐厅都系茶餐厅或者连锁店，咁啱经过竟然见到有间装修好靓嘅西餐厅，咁就一于嚟试吓啦。仲要喺门口见到佢嘅价钱好平，而且入面都好多街坊，一定水准有保证。入到去佢嘅装修好靓，系行怀旧美式风格，而且座位都好阔落。一坐低侍应姐姐就好有礼貌咁样问我哋食咩同埋好好介绍，服务态度非常好。原来呢度有做$98任饮，价钱真系好抵。不过今日比较肚饿，所以我哋就选择一人叫一个主菜再分享嚟食啦。好耐冇饮过酥皮汤，估唔到呢度都有。而且佢嘅酥皮非常脆，一揭开个酥皮，就闻到好香嘅忌廉汤，佢嘅忌廉汤系木瓜忌廉汤好特别，而且饮落唔会太腻，越饮越开胃。我就叫咗个肉眼扒五成熟，一上枱估唔到份量咁大，切开仲有惊喜。佢嘅五成熟啱啱好，食落好有牛味，而且唔会太硬又唔会太软，食到佢嘅牛系好新鲜，我觉得比高级餐厅嘅牛扒更加好食呀。朋友就叫咗个羊架，估唔到呢个更加夸张，佢嘅羊架有三大嚿，卖相靓之余朋友话食落都好香。羊味手唔会太骚，但系好够味，唔使落黑椒汁已经好好食。呢间餐厅又靓又抵食，性价比真系非常高。而且侍应姐姐嘅服务态度真系好好，食完佢仲会帮我哋换碗碟，媲美高级餐厅，但系有一种人情味，真系好推荐大家嚟试下呀
入到去佢嘅装修好靓，系行怀旧美式风格，而且座位都好阔落。一坐低侍应姐姐就好有礼貌咁样问我哋食咩同埋好好介绍，服务态度非常好。
原来呢度有做$98任饮，价钱真系好抵。不过今日比较肚饿，所以我哋就选择一人叫一个主菜再分享嚟食啦。
好耐冇饮过酥皮汤，估唔到呢度都有。而且佢嘅酥皮非常脆，一揭开个酥皮，就闻到好香嘅忌廉汤，佢嘅忌廉汤系木瓜忌廉汤好特别，而且饮落唔会太腻，越饮越开胃。
我就叫咗个肉眼扒五成熟，一上枱估唔到份量咁大，切开仲有惊喜。佢嘅五成熟啱啱好，食落好有牛味，而且唔会太硬又唔会太软，食到佢嘅牛系好新鲜，我觉得比高级餐厅嘅牛扒更加好食呀。
朋友就叫咗个羊架，估唔到呢个更加夸张，佢嘅羊架有三大嚿，卖相靓之余朋友话食落都好香。羊味手唔会太骚，但系好够味，唔使落黑椒汁已经好好食。
呢间餐厅又靓又抵食，性价比真系非常高。而且侍应姐姐嘅服务态度真系好好，食完佢仲会帮我哋换碗碟，媲美高级餐厅，但系有一种人情味，真系好推荐大家嚟试下呀。
张贴
