村上居酒屋 (已結業)

平时行经村上居酒屋🏮都有留意到门口设计充满日本风，于是今日放工同朋友过黎一试，顺便聚旧。推开门口块屏风布，餐厅座位入面都有屏风设计都令整体增添不少日本味道。餐牌上面款式多到唔知点拣，于是采取食小食为主，俾自己试多几款食物。天妇罗虾饭卷🍤原来周边嘅饭系少少炸过，食落外表好香脆，但内里寿司饭又好软熟，双重口感享受。之前未试过类似的饭卷，今次一试觉得好新鲜啊！有少少饭落肚之后就食左只日本蚝，生蚝Size有拳头👊🏻咁大，一啖放晒落口，咬落去系好顺滑。我唔太食生蚝，但觉得呢只生蚝都颇易入口，食得出有海水果种味道。任何菇类我都钟意食，今次亦叫左烧鲜冬菇一试。其实都系一般冬菇，味道唔会话好惊艳，不过要烧得熟之余，又要烧得唔干身就真系好考师傅功力。呢度嘅烧物厨师就将烧冬菇处理得非常好👍🏻烧冬菇配埋啲酱汁和木鱼，好juicy好味之后食嘅小食仲包括炸鸡软骨，不过略嫌炸粉有啲厚；烧芝士年糕热辣辣上台即刻食，芝士软捻捻、烟烟韧韧，好味啊点都要有啲淀粉质落肚先够饱，于是食份自家制鱼汤乌冬作结。侍应特别叮嘱话要趁热食，因为鱼汤底冻左可能会有少少腥的，好贴心哦！自家制汤底可能真系唔同啲，汤底好清甜，饮完汤都唔会口渴