影片
更多
2023-03-07
650 浏览
呢间新开嘅 cafe 喺间中心入面，入口有啲隐蔽，不过一上到去就别有洞天，环境宁静舒适，仲有几个座位对住旺角火车桥，有少少日本 feel 😆。睇个名就知道以薯仔为主题，Menu 有大细焗薯薯仔蛋沙律紫薯 waffle 同鲜奶等等，不过由于实在太肚饿，最后决定叫个 All Day Breakfast。小店只有两个员工，出餐比较慢，要有心理准备会等耐少少。食物上枱实在有啲吓亲，以呢个价钱嚟讲性价比系超高，首先一定要赞个迷你焗薯，应该系用咗澳洲新薯，肉质软腍薯味浓，上面 topping 系洋葱咸牛肉，非常惹味😍，呢个配搭真心正。沙律菜又系劲正，有齐火箭菜紫椰菜车厘茄 radish 等等，颜色配搭超级认真，亦够新鲜。生果有火龙果，士多啤梨同蓝莓，又系好甜好新鲜。其余食物，炒蛋够滑有蛋汁，炒杂菇份量算多，不过黑椒重手咗少少😂，肉肠同茄汁豆就正常味道。最后就系个 croffle，居然原只上😯（食咗一半先记得影相），真系劲满足。对面位叫咗 croffle 伴雪糕，又系有劲多生果，香蕉差唔多原条上😯，croffle 烘得外皮香脆，入面保留牛角包嘅牛油香味，伴雪糕食，一冷一热，一甜一咸，又系绝配。埋单落
睇个名就知道以薯仔为主题，Menu 有大细焗薯薯仔蛋沙律紫薯 waffle 同鲜奶等等，不过由于实在太肚饿，最后决定叫个 All Day Breakfast。小店只有两个员工，出餐比较慢，要有心理准备会等耐少少。
食物上枱实在有啲吓亲，以呢个价钱嚟讲性价比系超高，首先一定要赞个迷你焗薯，应该系用咗澳洲新薯，肉质软腍薯味浓，上面 topping 系洋葱咸牛肉，非常惹味😍，呢个配搭真心正。沙律菜又系劲正，有齐火箭菜紫椰菜车厘茄 radish 等等，颜色配搭超级认真，亦够新鲜。生果有火龙果，士多啤梨同蓝莓，又系好甜好新鲜。其余食物，炒蛋够滑有蛋汁，炒杂菇份量算多，不过黑椒重手咗少少😂，肉肠同茄汁豆就正常味道。最后就系个 croffle，居然原只上😯（食咗一半先记得影相），真系劲满足。
对面位叫咗 croffle 伴雪糕，又系有劲多生果，香蕉差唔多原条上😯，croffle 烘得外皮香脆，入面保留牛角包嘅牛油香味，伴雪糕食，一冷一热，一甜一咸，又系绝配。
埋单落楼，两个餐两杯茶先一百廿几，真心希望佢哋做得住😂。
张贴
