影片
更多
2019-06-01
78 浏览
今日約咗朋友食晚飯，佢心血來潮話想食蒸氣鍋但又唔想出去咁遠，所以就揀咗佢屋企附近呢間蜀府川鍋 。 呢間鋪頭除咗蒸氣鍋之外，亦都有火鍋小菜爐魚等等選擇。朋友一心黎食蒸氣鍋，所以我哋最後都係揀咗海鮮鮑魚雙層蒸氣塔套餐。湯底方面揀咗瑤柱排骨粥底，朋友話海鮮蒸出嚟嘅汁流返落煲粥會好正。除此之外，朋友仲加咗$48要一客海膽黎煲粥同埋一客燒茄子。 落單之後，侍應放低左一碗米，佢同我地講要食到七七八八先好將米落入湯底度，以防癡底。咁樣除咗蒸之外，有啲海鮮亦都可以用打邊爐嘅方式嚟煮，咁可以試到兩種食法。 先講下啲海鮮，套餐入邊包左蒜蓉開邊龍蝦、鮑魚、蒜蓉粉絲蒸大扇、大蜆、蚌同埋魚。特別要講下，鮑魚非常新鮮，上咗台之後仲識郁。蒜蓉開邊龍蝦，一樣係新鮮貨，食落去肉質非常爽口同鮮甜，仲係啖啖肉。而最有驚喜就係條魚，本身都冇咩期望，但點知不論蒸定係打邊爐，一樣係咁滑，連平時唔太好魚嘅朋友都讚好食。值得一提，侍應好貼心，知我地唔係太熟啲海鮮要蒸幾耐，佢都逐樣細心講解。 除咗海鮮跟餐仲有蟲草花蒸雞，我哋一般用嚟打邊爐一般用嚟蒸。最後發現蒸嘅好味好多，因為好入味，雞肉都好滑。而我哋另外叫嘅燒茄子，加咗好多香
朋友一心黎食蒸氣鍋，所以我哋最後都係揀咗海鮮鮑魚雙層蒸氣塔套餐。
湯底方面揀咗瑤柱排骨粥底，朋友話海鮮蒸出嚟嘅汁流返落煲粥會好正。
除此之外，朋友仲加咗$48要一客海膽黎煲粥同埋一客燒茄子。
落單之後，侍應放低左一碗米，佢同我地講要食到七七八八先好將米落入湯底度，以防癡底。咁樣除咗蒸之外，有啲海鮮亦都可以用打邊爐嘅方式嚟煮，咁可以試到兩種食法。
先講下啲海鮮，套餐入邊包左蒜蓉開邊龍蝦、鮑魚、蒜蓉粉絲蒸大扇、大蜆、蚌同埋魚。特別要講下，鮑魚非常新鮮，上咗台之後仲識郁。
蒜蓉開邊龍蝦，一樣係新鮮貨，食落去肉質非常爽口同鮮甜，仲係啖啖肉。而最有驚喜就係條魚，本身都冇咩期望，但點知不論蒸定係打邊爐，一樣係咁滑，連平時唔太好魚嘅朋友都讚好食。值得一提，侍應好貼心，知我地唔係太熟啲海鮮要蒸幾耐，佢都逐樣細心講解。
除咗海鮮跟餐仲有蟲草花蒸雞，我哋一般用嚟打邊爐一般用嚟蒸。最後發現蒸嘅好味好多，因為好入味，雞肉都好滑。
而我哋另外叫嘅燒茄子，加咗好多香料黎燒，重口味人士一定鍾意。
食到咁上下我哋就落米煮粥，加咗海膽同埋跟餐嘅粟米，加上湯底充滿着啱啱蒸海鮮同蒸雞嘅精華，煮出嚟嘅粥唔使落調味料都已經好夠味、好甜，飽到不得了嘅我哋都堅持要食。
最後原來跟餐仲有甜品，手工芝麻綠茶芋蓉餅，唔算太甜唔會有好膩嘅感覺。
總括而言，呢個價格有咁多嘢食，海鮮仲要咁新鮮，算係好抵。當晚見到唔少人都選擇打邊爐，下次可能都會再黎試吓。
张贴
