焼肉スマイル (燒肉smile)

📍旺角專登搵咗間燒肉同朋友慶祝生日，晏晝食都係五百零蚊左右，好抵食。牛肉盛盒餐已經包晒所有牛肉唔同款式，跟住加咗個蟹膏拌飯同個海帶湯仲有得加埋個甜品同埋嘢飲。之後我哋驚唔夠食就再嗌咗帶子，北寄貝，日本雞松版。帶子同北寄貝，都醃得好入味，第一次覺得燒帶子咁好食。日本雞松版個原來係雞頸肉嚟㗎，未食過雞頸肉佢個口感超滑，比起雞髀肉仲更加滑溜。之後嗌咗雞膝軟骨，美國牛橫膈膜，初初諗住散嗌佢會係細細份，所以我哋單點咗咁多點知都好大份。$88勁抵食！佢啲牛個個都好軟，好易入口，雖然唔係日本A5嗰種油脂感，但係好重牛味，但係又唔會剩係得根。個人覺得好好食。配埋佢個海帶湯重點係個蟹膏拌飯呢個係強烈推薦。出邊有自助沙律bar，可以夾生菜同埋泡菜，跟住再拎入嚟夾肉食。好抵唔會好似出邊啲餐廳咁每碟菜都要$20。甜品加錢要咗個焦糖布蕾，焦糖好香，脆卜卜，內裏滑，好香蛋味。嘢飲揀咗一杯奶茶，一杯蜂蜜檸檬，充滿台式風情。