影片
更多
2024-12-22
422 浏览
最近发现「炑八韩烤」推出左一个性价比超高既午市定食，平时钟意食韩烧既我紧系要试下啦。呢度既烧烤套餐定食吾单止有主菜，仲可以无限添加自选前菜、芝士粟米同炉边蛋，呢d经典韩烧side dish可以食到饱，真系好吸引。盐葱牛舌配迷你韩式麻药蛋饭 $116呢个盐葱牛舌系我最期待既一款。牛舌好薄，配埋盐葱酱，味道鲜味即刻提升左好多。咬落去系脆中带嫩，牛香浓郁，再加上盐葱酱既咸香，令成个味道层次更加丰富。听店员介绍左人气食法，我照住黎试：将盐葱酱放系牛舌中央，对折做成牛舌包，再单面炙烧约20秒，等表面微微焦脆，反转另一面再烧20秒，一食果然好正！配埋迷你麻药蛋饭，蛋黄流心，香口又满足，牛舌控一定要试。韩式猪肉泡菜炒饭 $82呢个炒饭系一个隐藏惊喜。铺左一层超浓郁既芝士碎，拌埋紫菜丝一齐食，真系好香口！炒饭有泡菜既酸辣味，而芝士就中和返少少，两者配搭得岩岩好。半熟蛋系饭上面，捞埋食每一啖都好有层次感，最岩重口味既朋友。蜂蜜牛油炸鸡 & 酱油鱼糕串 $38食烧烤既时候点D小食黎加配系一个好好既选择。我就试左两款：蜂蜜牛油炸鸡系甜甜地，带有牛油既香味，外皮炸到脆卜卜，鸡肉仲好juicy，食到停吾到口。而
最近发现「炑八韩烤」推出左一个性价比超高既午市定食，平时钟意食韩烧既我紧系要试下啦。呢度既烧烤套餐定食吾单止有主菜，仲可以无限添加自选前菜、芝士粟米同炉边蛋，呢d经典韩烧side dish可以食到饱，真系好吸引。
盐葱牛舌配迷你韩式麻药蛋饭 $116
呢个盐葱牛舌系我最期待既一款。牛舌好薄，配埋盐葱酱，味道鲜味即刻提升左好多。咬落去系脆中带嫩，牛香浓郁，再加上盐葱酱既咸香，令成个味道层次更加丰富。听店员介绍左人气食法，我照住黎试：将盐葱酱放系牛舌中央，对折做成牛舌包，再单面炙烧约20秒，等表面微微焦脆，反转另一面再烧20秒，一食果然好正！配埋迷你麻药蛋饭，蛋黄流心，香口又满足，牛舌控一定要试。
韩式猪肉泡菜炒饭 $82
呢个炒饭系一个隐藏惊喜。铺左一层超浓郁既芝士碎，拌埋紫菜丝一齐食，真系好香口！炒饭有泡菜既酸辣味，而芝士就中和返少少，两者配搭得岩岩好。半熟蛋系饭上面，捞埋食每一啖都好有层次感，最岩重口味既朋友。
蜂蜜牛油炸鸡 & 酱油鱼糕串 $38
食烧烤既时候点D小食黎加配系一个好好既选择。我就试左两款：蜂蜜牛油炸鸡系甜甜地，带有牛油既香味，外皮炸到脆卜卜，鸡肉仲好juicy，食到停吾到口。而酱油鱼糕串系浓浓既酱油香气，加上鱼糕烟韧既口感，简单而好味。
柑橘鲜橙果茶 $25 & 玫瑰佛手柑梳打 $12
套餐包左基本饮品，但我忍吾住加钱试左佢既特饮。柑橘鲜橙果茶系一杯清新既果味茶，酸酸甜甜好开胃，食完重口味既烧烤饮，再似呢杯真系岩岩好。而玫瑰佛手柑梳打有阵淡淡既花香，带d微微气泡，清爽得黎又几特别。
焦糖脆饼雪糕杯 $38
食完主菜当然要有甜品作结啦！加左$38点左个焦糖脆饼雪糕杯，份量都算几足。脆卜卜既焦糖饼干，配上云尼拿籽雪糕，两样一齐食有层次又吾会腻，系完美既甜品收尾。
张贴
