壹韓台

营业中

休息中

真系好钟意呢间餐厅喺石门揾嘢食，咁岩比我发现呢一间韩国餐厅。叫咗一个辣牛肉韩式饭卷$42，肥牛双重芝士捞面$43，泡菜煎饼$50，芝士辣炒年糕$44，双拼猪肉煎饺（泡菜+香葱）$50 。辣牛肉韩式饭卷好足料，但系唔够辣，食得唔够过瘾。肥牛双重芝士捞面就普通，个捞面仲可以，但系个肥牛太实有啲干。至于泡菜煎饼，味道可以有午餐肉泡菜喺里面，口感烟韧，但系太多油。另外就系芝士辣炒年糕，呢个系我最钟意嘅，觉得够晒辣，啲年糕同埋鱼糕都好好食，同埋够晒芝士，下次会叫大份。相平猪肉煎饺都唔错，有八粒，朋友就话比较钟意食泡菜，但系我钟意食香葱猪肉煎饺多啲，觉得好够肉，同埋煎得唔会太油。钟意食饺子嘅都会钟意食。真系觉得所有食物都份量好足够，好抵食。