豐鮪

营业中

休息中

餐厅位于铜锣湾渣甸坊，系一间蓝鳍吞拿鱼嘅专门店，吞拿鱼由日本直送，性价比超高，吞拿鱼控天堂。◇ 梦之丼将新鲜运到嘅原条日本蓝鳍吞拿鱼分成三份：大拖罗、中拖罗同赤身，一碗有齐大拖罗一切、中拖罗3切同赤身3切，最肥美嘅大拖罗，鱼香味同油脂相对平衡嘅中拖罗，肉质偏结实嘅赤身，3款一齐入口而散发出来那种口感非常难忘，系奇妙嘅体验。用日本特级米饭底，可以选择普通寿司醋饭，但小编强力建议拣丰渍香饭，即系加入切碎黄萝卜、寿司姜同芝麻，尤其寿司姜味道好出，做法其他地方少见，有心有创意，赞。套餐所以有跟沙律、蟹肉茶碗蒸同味噌汤，其中蟹肉茶碗蒸蟹味好浓郁，好吸引。◇ 冬菇肉饼饭每日新鲜制造嘅吞拿鱼蓉，配上冬菇渍，特别嘅腌渍有令吞拿鱼蓉提鲜效果，佐以京葱碎，除咗卖相好睇之外，亦多份香气，饭唔系普通嘅米而系珍珠米，软软绵绵嘅质感好有口感，套餐的话会跟沙律、蟹肉茶碗蒸同味噌汤，好丰富好满足◇ 鱼蓉烧卖中式烧卖嘅造型，但馅料换咗为吞拿鱼蓉，面粉皮改为薄薄有机大豆做嘅皮，啖啖鲜味