本命鐵板燒

营业中

休息中

十二月適逢聖誕又生日，梗係唔執輸試下新菜式啦！老友比驚喜，帶左我去食想試好耐嘅鐵板燒聽講師傅手勢一流之外，仲性價比唔錯，唔講咁多一於睇睇有咩食先.前菜係安康魚肝，入口即化，配埋微酸醬汁非常醒胃.北海道帶子煎到啱啱好，外層微微焦香，入口無比嫩滑鮮甜.魚皮煎到脆卜卜，同香甜南瓜汁超夾，配埋辛香嘅秋葵，味道層次十分豐富！.對於海鮮控嚟講，唔會抵受到龍蝦嘅誘惑🦞！蝦肉彈牙，簡單用海鹽調味，已經好鮮美，食完即刻想再嗌多隻.脂香十足嘅鵝肝係我最近新寵，配埋酸酸地嘅青蘋果同多士一齊食，滿足感爆棚又唔會過份油膩！.呢個價錢嚟講，食材靚，師傅手藝高，環境舒服，服務又好，我覺得都無咩需要挑剔啦