串串貢 (已結業)

串串贡地址：深水埗元州街18G号富汇居1楼深水埗有好多唔同嘅美食，今次就试吓呢间串串式自助火锅。餐厅环境舒服，唔会好迫同埋都几干净。一入到餐厅就有好nice嘅姨姨招呼我哋，向我哋介绍5种唔同汤底，有辣有唔辣，因为同行嘅人唔食得辣所以我哋拣咗红白鸳鸯锅，一半系足料嘅重庆经典麻辣汤（即使我哋叫咗小辣都唔惹少🌶️），另一半系好少见嘅蕃茄苹果汤（酸酸地几开胃）。去到火锅配料嘅部份，对于有选择困难症嘅我嚟讲，望住眼前超过70款嘅配料我真系呆咗，所以根据「小朋友才做选择」，我决定咩都试吓。有几样嘢系印象最深刻美国肥牛肉质鲜嫩，入口即溶，煮嘅过程块肥牛索咗好多汤底嘅辣汁，所以好惹味，但系又唔会盖咗肥牛本身嘅牛味鸡软骨平时食开烧嘅鸡软骨，估唔到原来用嚟打边炉一样咁好食。鸡软骨口感好爽，而且餐厅用咗少少辣嚟调味，成件事好夹。手打黑椒牛肉丸牛肉丸嘅貌相睇落以为好似牛肉球，食落先知系两回事，因为食得出佢手打嘅过程好出力，所以牛肉丸嘅肉质完全唔淋，同埋我最钟意肉丸入面真系有黑椒，所以食落好有层次太多食物不能尽录⋯⋯对于一个贪心嘅人类嚟讲，我最希望可以增设甜品，畀我满足下个甜品胃，不过好彩深水埗都有好多平靓正糖水