影片
更多
2017-04-29
217 浏览
今日系观塘码头隔离嘅宏利金融中心接个friend收工， 顺便倾下密计， 成日捐窿捐罅揾美食嘅朋友就介绍咗 喺佢公司商场里面嘅《Hey囍》打边炉。呢间《Hey囍》打日式火锅放题旗号， 有多个价钱选择，由$88至$368，丰俭由人， 钟意食豪啲就食豪啲。 今次我哋就选择咗中等价钱嘅C餐$168， 可以无限添加肩胛牛肉，牛脷同黑豚肉， 而且我哋仲追加咗刺生放题$39， 埋单每人都只系二百蚊松啲，认真抵食。先讲下【刺身拼盘】， 有甜虾、刺身虾、三文鱼、𫠒红鱼，质素尚算新鲜， 而且够晒冰冻， 我最钟意就系食三文鱼， 够晒肥美，加$39可以食个刺身拼盘做前菜， 认真抵~讲返推介嘅【黄金鸡木瓜椰子汤】， 呢个汤底由于加咗印度黄皮椰子煲， 所以饮落非常清甜顺喉。而黄金鸡亦非常鲜味， 为咗令食客可以品尝到最鲜嫩嘅滑鸡， 呢间火锅店特意设置漏斗一个， 反转漏斗时间一到， 就可以品尝到最新鲜最嫩滑嘅鸡块。假如选择黄金鸡椰子汤底， 更有两种特色嘅酱料， 第一款系青柠汁， 酸酸咪咪，甚有东南亚风味。 第二款系原粒沙姜碎， 平时沙姜酱就食得多， 鲜沙姜就真系第一次食， 用嚟配鲜鸡特别夹。讲下d牛肉， 呢度任食肩胛
呢间《Hey囍》打日式火锅放题旗号， 有多个价钱选择，由$88至$368，丰俭由人， 钟意食豪啲就食豪啲。 今次我哋就选择咗中等价钱嘅C餐$168， 可以无限添加肩胛牛肉，牛脷同黑豚肉， 而且我哋仲追加咗刺生放题$39， 埋单每人都只系二百蚊松啲，认真抵食。
先讲下【刺身拼盘】， 有甜虾、刺身虾、三文鱼、𫠒红鱼，质素尚算新鲜， 而且够晒冰冻， 我最钟意就系食三文鱼， 够晒肥美，加$39可以食个刺身拼盘做前菜， 认真抵~
讲返推介嘅【黄金鸡木瓜椰子汤】， 呢个汤底由于加咗印度黄皮椰子煲， 所以饮落非常清甜顺喉。而黄金鸡亦非常鲜味， 为咗令食客可以品尝到最鲜嫩嘅滑鸡， 呢间火锅店特意设置漏斗一个， 反转漏斗时间一到， 就可以品尝到最新鲜最嫩滑嘅鸡块。
假如选择黄金鸡椰子汤底， 更有两种特色嘅酱料， 第一款系青柠汁， 酸酸咪咪，甚有东南亚风味。 第二款系原粒沙姜碎， 平时沙姜酱就食得多， 鲜沙姜就真系第一次食， 用嚟配鲜鸡特别夹。
讲下d牛肉， 呢度任食肩胛牛质素相当高， 雪花均匀，牛味浓， 虽然每次点片数唔多，但胜在唔会放得太耐， 唔会出晒血水。 黑豚肉片亦唔错， 猪味够但又唔骚。
呢间餐厅最得我欢心嘅， 就系呢个自助蔬菜站， 有成20款新鲜蔬果， 各适其适，应有尽有。 可以随自己嘅喜好， 选择钟意嘅蔬菜， 钟意食一棵又得， 两旧又得， 非常flexible。而且每种蔬菜都非常新鲜， 食落够晒健康。
除此之外， 亦有各种嘅丸类同肠仔， 啱晒一种食肉兽。
另外特别推介， 绿茶拉面， 绿茶吸收咗椰子鸡汤嘅精华， 就算唔加酱汁， 都非常入味， 简直系为整个火锅作完美终结。
呢度有饮品柜可以自己攞嘢饮， 仲有个甜品counter， 有自助软雪糕， 仲可以加埋糖粒， 整色整水。
呢间餐厅价钱非常优惠， 而且食物质素又高， 坐得又舒服， 难怪吸引咁多打工仔放工嚟食啦~
张贴
