老掌櫃東北菜館 (已搬遷) 新店位置

每次经过都见到好多人排队，每次订位都话要8点30分前交返张台，不过就久不久就想黎食佢嘅片皮鸭，入面坐得非常挤迫但系都keep住要黎帮衬，就系呢间小店真材实料嘅现象。片皮鸭系必食嘅，我钟意佢唔太肥，不过啲饼皮就麻麻哋，所以我次次都净系食鸭唔食饼皮，留番啲quota食第二啲嘢。水煮鱼都出色，啲鱼片好滑，个辣又好有层次感，同出面一味死辣好唔同。另一绝系佢嘅油泼面，精彩非常。佢嘅饺子亦都好食，好有北方特色。夜晚九点几喺大角咀嘅横街仍然要排队果然系有佢嘅原因嘅。