影片
更多
2020-09-29
863 浏览
疫情关系好耐无同朋友食饭 行完铜锣湾想食刺生 见到呢间近地铁站方便 环境又几好就上左嚟食😆比较高级小小既日本餐厅 一入到嚟个装修感觉好舒服。吧枱既位置系for食omakase，厨师会系面前整餐品，我哋今次单点所以就坐卡坐。刺身我哋嗌左牡丹虾同海胆，好新鲜海胆无腥味 唔使沾豉油食都好好食。食完之后虾头虾尾帮我哋攞左去炸，食落脆卜卜，虾头入边啲虾膏炸左之后好香👍🏻 清酒煮蚬呢个我同朋友都觉得好好食，一碗大概有6-7只，蚬好大粒够肉同埋完全无沙，鲜味好够，个清酒底都好饮。汁烧鹅肝饭一碗有2大块鹅肝 食落唔会好腻，同朋友share一半岩岩好。个酱汁都配番个饭又唔会盖过鹅肝本身嘅味道😆香葱拖罗海胆饭拖罗本身已经有葱系入边，再配个蛋黄，食落个味道有少少特别，一d都唔腥。海胆同拖罗味道比想像夹，有惊喜，海胆无因为系刺身饭而质素差左，都好鲜甜。同埋个价钱份量性价比都几高。👍🏻食日本野点少得酒，我同朋友每人叫左一杯。《大吟酿古梅酒》&《柚子柠檬酒》。个人比较钟意柚子柠檬酒既味道，饮落好清新比较易入口，平时少饮酒既女仔朋友都可以一试。最后师傅有出嚟同我哋打招呼，介绍番餐厅少少资讯同问我哋意见，服务都有意外
比较高级小小既日本餐厅 一入到嚟个装修感觉好舒服。吧枱既位置系for食omakase，厨师会系面前整餐品，我哋今次单点所以就坐卡坐。
刺身我哋嗌左牡丹虾同海胆，好新鲜海胆无腥味 唔使沾豉油食都好好食。食完之后虾头虾尾帮我哋攞左去炸，食落脆卜卜，虾头入边啲虾膏炸左之后好香👍🏻
清酒煮蚬
呢个我同朋友都觉得好好食，一碗大概有6-7只，蚬好大粒够肉同埋完全无沙，鲜味好够，个清酒底都好饮。
汁烧鹅肝饭
一碗有2大块鹅肝 食落唔会好腻，同朋友share一半岩岩好。个酱汁都配番个饭又唔会盖过鹅肝本身嘅味道😆
香葱拖罗海胆饭
拖罗本身已经有葱系入边，再配个蛋黄，食落个味道有少少特别，一d都唔腥。海胆同拖罗味道比想像夹，有惊喜，海胆无因为系刺身饭而质素差左，都好鲜甜。同埋个价钱份量性价比都几高。👍🏻
食日本野点少得酒，我同朋友每人叫左一杯。《大吟酿古梅酒》&《柚子柠檬酒》。个人比较钟意柚子柠檬酒既味道，饮落好清新比较易入口，平时少饮酒既女仔朋友都可以一试。
最后师傅有出嚟同我哋打招呼，介绍番餐厅少少资讯同问我哋意见，服务都有意外惊喜，整体嚟讲都推荐可以嚟试一试。
张贴
