青越 (已結業)

因为要去将军澳医院复诊，就嚟到附近商场食中午饭，呢一间系住附近嘅朋友推荐，一入到去环境都好舒服，对住落地玻璃窗边，环境好开阳。价钱亦都系商场来讲算平，海鲜炒金边粉加埋嘢饮$65，唔洗加一，炒金边粉落去够味道，炒得好唔会痴到一饼饼，亦唔会太重口味，当然都有少少人。份量又多，一个男仔都绝对够，但系海鲜就唔会话好足料，基本上就系几只虾几只鱿鱼，商场呢个价钱呢个质素咁嘅环境，性价比好高，朋友坐喺度倾咗两三个钟头冇人要赶走，如果经过附近都会再试。