吉祥日本料理 (已結業)

出左去黄埔买嘢，任务完成之后就系食嘢之时。行经黄埔天地见到日式居酒屋嘅午餐都好抵食，所以就入去叹个靓Lunch。餐厅以日系木色装潢，有种舒服感觉。午餐种类选择都好多，既有烧物、定食、串烧当然唔少得刺身同寿司餐，最后就拣左特选十二件自选寿司餐。每份午餐都会附送沙律同埋面豉汤。我嘅十二件寿司嚟啦，我就拣咗拖罗、深海池鱼、油甘鱼、鲂𫚒、池鱼、赤虾帆、立贝、八爪鱼、金线鲷、火炙左口鱼边、海胆同葱吞拿鱼腩。每件寿司都好新鲜，鱼生嘅厚薄适中，几款鱼肉嘅鱼身肉质扎实，而鱼油香味非常丰富。另外帆立贝、赤虾、八爪鱼亦都非常鲜甜弹牙。最吸引我嘅都系海胆同葱吞拿鱼腩军舰，入口甘香之余材料足到仲好似成座山，真系超正呀！