Red Lobster (Fashion Walk) (已結業)

工作辛苦决定奖励自己要食餐豪d既，选择了位于铜锣湾Fashion Walk既Red Lobster。首先店舖的核心内围同核心外围都装修几靓，几抢眼，D侍应服务态度也很好。入座坐了一会已经送上车打芝士松饼，个松饼好重芝士味，好好食。我地Order了几款菜，当中有松露芝士焗蘑菇手工薄饼、帝王蟹 + 雪蟹脚同大虾套餐。- 松露芝士焗蘑菇手工薄饼，都尚算唔错，但又唔系话好出色。- 帝王蟹 + 雪蟹脚，劲好味，劲鲜味，尤其是帝王蟹，真系食到唔愿停。- 大虾套餐，呢个其实有d弱，里面包括既饭都几难食，个面都唔太好，个油浸虾同炸虾都无乜味道，碟蔬菜更加系食左一啖就唔想再掂。其实都对呢间餐厅既食物有少许失望，除左个贵价的帝王蟹 + 雪蟹脚好食之外，其他菜式都唔太值个价钱，希望佢地可以改善下啦，毕竟座落系一个咁好位置，如果食物可以出色d，一定会更多人排住队黎帮衬。