小火焰韓式咖啡廳 (觀點中心) (已結業)

今日同友人约左系观塘食野，今日突然想食炸鸡所以就OpenRice揾左呢一间餐厅。一入到去餐厅唔算话好多人唔使等位，佢仲摆咗啲嗒靠friend系门面觉得几得意。咁佢就会有啲二人餐四人餐叫嘅应该就抵啲，不过我就睇中左佢个熔岩芝士炸鸡面包，二人餐就冇呢一款炸鸡食所以我就冇叫到餐全部散嗌，之后我再叫咗个牛肉水冷面同埋一个八爪鱼，再加个甜品糯米糍3.6牛乳雪花冰。因为个Menu上边写要等20分钟所以我都一开始叫埋先咁之后店员见到我哋食得差唔多就会帮我地上。呢个炸鸡真系几正，炸的几脆之后配埋个芝士真系Perfect，个芝士仲要都几有拉丝效果。然后配埋𠮶个墨西哥脆片加埋啲芝士酱真系好好味。之后嚟咗个八爪鱼，不过因为我怕辣所以叫咗佢个泡菜分开上。分量都几多下，都几抵，我觉得不过不失可以试一试。然后再嚟咗个牛肉水冷面，佢都几大碗下，我觉得都唔错，不过个面硬左少少，好少少难咬。最后嚟到我最期待嘅甜品糯米糍3.6牛乳雪花冰，因为我好钟意食糯米糍同埋朱古力，佢系有晒我最钟意嘅嘢😆佢系牛奶冰再加啲朱古力粉再加一旧朱古力雪糕同埋三旧朱古力糯米糍。我觉得系个牛乳沙冰做得好滑，配个朱古力粉好夹，好好味。