御膳

营业中

休息中

今次同屋企人食饭就试下啲观塘工厦私房菜，我哋十三个人就拣咗「大富大贵」套餐～ 本身个餐系for 12位嘅，因为多咗一位嘅关系，我哋加钱要多咗一支猪串骨、一只大肉蟹、两份极黑猪叉烧、一份例牌黄豆酱炒春菜～ 餐厅安排咗一间大房俾我哋，入面仲有内厕👍🏻虽然唔系话特别干净，但系私隐度够高，所以都满意；嘢食就正常水准啦，个鱼比较淡，同埋叉烧好一般～有样嘢想特别讲吓嘅就系小食份量好孤寒🥲我哋13个人都系得一份桂花糖蕃茄，而个量系绝对唔够分嘅（就算系本身12人都唔够），呢个安排真系好差，始终小食嘅食材又唔系贵，点解唔好好睇睇俾返份足够份量嘅俾客人呢？😥 我哋当时问咗，餐厅话只有小食以外嘅食物先至会按返人数俾相应份量，真系几搞笑😅 套餐有：- 小食3款：手拍青瓜、桂花糖蕃茄、盐糖鸡脚- 砂锅什菌龙趸骨豆腐汤- 芙蓉蛋白蒸老虎斑2斤- 上汤花龙虾12两(3只)- 姜冲炒大肉蟹2只- 惹味蒜香西班牙猪串骨- 金华玉树鸡一只- 碧绿炒花枝- 御膳炒饭- 蟹油银芽炒面- 甜品：抹茶布甸- 极黑猪叉烧