Ocio (東港城) (已結業)

人气 Café「Ocio」喺香港扎根多年，一直深得粉丝欢心。之前帮衬过旺角分店，觉得食物水准唔错，今日有事要嚟坑口 ，晏昼就顺道去东港城分店吃顿午餐。餐厅装潢走木系小清新路线，门口嘅纯白外墙十分亮眼，店内空间宽敞，环境舒适，加上室内嘅画作同植物装饰，超适合打卡！餐厅主打多国菜、甜品、日式刨冰及全日早餐等。先食咸、后食甜。点咗一客和风牛肉丼饭 ($78)，午餐配是日餐汤及 $33 或以下饮品。南瓜汤打得好 Creamy，南瓜味够，配埋忌廉感觉又滑又绵密。冻柠茶酸度适中，清爽又解渴！牛肉香口嫩滑，肥瘦合宜，份量不少，酱汁完全渗透晒入牛肉内，加上淋上惹味牛肉汁的珍珠米饭，口感甚佳！+$19 可配精选蛋糕一件，拣咗件柠檬芝士饼，饼底好脆口，柠檬味相当重，非常够酸，开胃又唔漏。另外再加多咗客原味蜂蜜-铸铁镬仔法式吐司 ($75) 配朱古力雪糕 ($10)，吐司超级大份，以镬仔盛上，面头铺满杏仁脆片，卖相一流！将香浓嘅朱古力雪糕放上面，再用刀把吐司切开，外层脆卜卜，里面很湿润，入口充满鸡蛋同法国忌廉香味，吃时淋上蜜糖，更添美味。