熱點點心專門店

营业中

休息中

今日放假经过太子，突然好想食点心，盲中中入左热点，点知发现惊喜～坐低既时候甘岩系下午茶时间，有部分点心都好抵食，例如鱼翅灌汤饺同蜜汁叉烧肠。灌汤饺真系有成大块鱼翅，甘平价钱食到都几抵食,而且汤底够鲜味，灌汤饺成个拳头咁大!仲点左虫草花炖鸡汤，意外地好好饮，无落味精，清润唔咸。瑶柱珍珠鸡：好大只，二个人食就岩岩好，而且入面馅料好多，一啲都无吝啬。姜葱牛柏叶：好入味，但又唔会过咸，牛柏叶唔会似橡皮筋甘韧口。瑶柱叶苗饺：面头有一堆瑶柱，好多菜苗系里面，咬开既时候多到跌出黎！