樂天皇朝 (青衣城1)

营业中

休息中

呢间餐厅系我最爱上海菜馆之一，服务好，抵食。特别钟意上海风味酱鸭同原味小笼包，性价比非常高。小食份量嘅风味酱鸭，望落细细件，其实都几多肉，而且少少风干左嘅酱鸭，入味之余又唔会太咸。至于小笼包呢，皮薄，里面承载住汤汁，非常鲜味～荠菜黄鱼羹，有营养，少少咸味少少咸味少少胡椒味，值得回味嘅一个羹汤～木樨肉炒拉面，有猪肉、鸡蛋、木耳丝嘅炒面，好香上海酱油味，拉面口感都OK。登登登！最爱上海甜品「桂花酒酿丸子」，丸子粉粉地之中有少少烟烟韧韧，好香桂花味亦都有少少酒味，清甜桂花香嘅甜品，like！