上海姥姥

营业中

休息中

今日同老婆、妈咪同姨妈一行四人去咗大埔慈山寺参观，参观完肚饿到飞起，马上搭的士去返大埔中心揾食。商场里面人头涌涌，去咗几间餐厅攞飞。好好彩，我哋最想食嘅上海姥姥最快有位，仲要有得坐卡位㖭。我哋叫咗担担面配排骨、姥姥家乡粗炒、招牌小笼包、四喜烤麸、同炸菜肉末窝窝头。我哋最欣赏嘅系担担面，面煮得啱啱好，软硬适中，汤底超正，好浓郁，花生味好香，带有少少辣好开胃。家乡粗炒都炒得好惹味，调味好。不过略嫌配料太少，如果加多少少蔬菜、肉丝、冬菇片嘅话，口感会更丰富。招牌小笼包都好好食，一咬落去啲汤汁涌晒出嚟，汤汁好香，馅料都好食。四喜烤麸调味系好食的，甜甜到好惹味，不过烤麸煮得太淋了，无咗弹性无咁好食。炸菜肉末窝窝头系期间限定，卖相好可爱，窝窝头其实系炸馒头，底下挑个窿，然后将肉碎放入去食。肉末味道不错，不过唔系好食到有炸菜，反而芹菜味更抢。略嫌炒馒头太油，食落去好大阵油味。