娜多歐陸餐廳 (已結業)

将军澳商场越来越多餐厅，但最弊系间间价钱都好贵，闲闲地都要过百蚊一餐。有时想食个下午茶，平平地都唔知去边。最近经过见到间餐厅成日都好多人排队，装修都几企理，于是就去试吓啦。 睇吓个餐牌都觉得价钱非常吸引， ＄40左右就有个下午茶，选择都好多。同男朋友叫咗个pizza ,同埋叫咗一份迷你burger。迷你burger上菜嘅时候真系非常惊喜，首先卖相已经好靓。而且有三个迷你burger，每个口味都唔同，一次过满足三个愿望，味道亦都非常好，再送埋餐饮，实在非常满意。Pizza就中规中矩，分量同味道都唔错。总括而言，性价比高，食物质素高，以后一定会再来！