魔膳廚房 (已結業)

星期六都要系观塘返工，放工之后就决定奖励下自己啦。之前听同事讲开源道有间lunch自助餐嘅，性价比高而且几好食。今日一于就去试吓啦！首先魔膳嘅环境都真系非常好坐，非常阔落，而且好多座位，好适合一班人一齐食饭！佢自助餐嘅选择都真系好多，甜品一台，前菜一台，然后一排全部都系食主菜嘅。我见服务员换菜嘅速度都算系好快，每个菜一少过超过一半，就会即刻换一盘新嘅食物上嚟，确保食物都新鲜！除咗自助餐之外，我哋仲可以每人拣一杯特饮，我同男朋友每人叫咗杯咖啡，慢慢享受我哋星期六嘅下午！