隱町 (花園街) (已搬遷) 新店位置

今晚同朋友黎太子食下串烧，呢间隐藏系后巷嘅居酒屋，店铺细细，一个长吧台仲有几张二人枱。全场爆满，好有气氛。事不宜迟就讲下今晚食咗啲咩。首先有前菜。豆腐沙律，胡麻酱好足，令成个沙律超级正，沙律菜爽脆，配上嫩滑豆腐，超开胃！之后就系串烧时间。鸡肝、鸡髀肉、鸡胸脆骨其中鸡髀肉最正，真系好嫩，又大大粒，鸡油旺盛。鸡胸脆骨，就系鸡软骨嘅鸡胸版，好有咬口。萤光鱿鱼、味噌汁五花腩、和牛牛小排鱿鱼仔细细条好得意，每咬一啖都有汁嘅感觉。五花腩同和牛都好出色！都系感觉好够水份而且肉味超出！牛油烧粟米粟米好甜，用牛油烧令甜到更上一层楼。芝麻鸡翼呢个外面炸得好脆，好惹味～因为我哋有下场，所以都冇叫好多食物，下次有机会嚟再食多啲先。