千味燒

营业中

休息中

大角咀食街附近新开嘅广东串烧店。环境都几干净，服务态度又不错。店内嘅串烧无得拣辣度，因为店主希望尽量以最合适嘅风味形式呈现食物，只会因应不同食材酌量加上调味料。如果有需要，可以自行添加调味粉。✨辣椒蒜蓉烤生蚝好大只生蚝好肥美🦪超惹味蒜香同辣味加埋鲜味生蚝，成件事热辣辣超正，连汁都饮埋😂✨千味煎饺外层煎得香脆，四款煎饺馅料分别有粟米、芫荽、韭菜、白菜。配上香醋同辣菜脯，推介🙌🏻✨烧猪手外层烟靭而不腻，咬落好软腍好入味。配上少量孜炙粉同辣粉，味道不错。✨脆爽凉拌鱼皮大推🙌🏻鱼皮非常爽脆，口感好正。配上酸酸辣辣酱汁，开胃醒神！✨惹味烤汁烧全翼鸡全翼啖啖肉，外层焦香微脆。✨秘制孜然烧蒙古羊架羊架好多汁，呢个程度嘅膻味我钟意🙌🏻配上孜然粉好惹味。✨秘制蒜蓉烧原条茄子串烧必叫，蒜香够浓带微辣，整体够腍。