喜聚燒 (已結業)

今日朋友话想食串烧饮下野吹下水，即刻揾下油尖旺呢度边度有串烧呀辣野既地方食下，就揾到呢间，见到位置都方便，即刻走去试。 喜聚麻辣滋补鲜乌鸡🐥，真系唔好讲笑，一野俾佢惊艳左。一般食开滑鸡煲唔系咁既色同咁既味先，佢系乌鸡所以系乌黑色同埋真系未见过系用铁板上，创意度已经加晒分。平时食鸡煲好易食一半就觉得又老又鞋，呢个唔会，好滑好好食。仲叫左个麻辣四姊妹，入面有莲藕、淮山、莴笋、云耳，呢4姊妹都唔错😹😹😹爽爽脆脆，食完辣鸡会有refresh既感觉。串烧又点可以唔饮返杯野呢，叫左杯马蹄特饮，好清爽好fresh，而且好解腻，一定要叫。串烧 特别推介翠玉瓜同秋葵，都好juicy，唔会烧到老晒。仲有东风螺，超大只♥️♥️♥️性价比唔错既串烧店，值得一试！