滿滿丼 (已結業)

临去party揾嘢食医下肚先，同朋友仔嚟到呢间餐厅，见到价钱都几平，仲有鸡肉牛肉豚肉同海鲜拣，价钱都系$40零左右。我就拣咗温泉蛋豚肉丼饭($48)，足足有四件豚肉，丼饭会配有酸姜片、蛋丝同埋昆布，仲可以自己拣多一款配菜，我就拣咗黑松露酱杂菌，黑松露味几浓。四件豚肉肥瘦相间，烧得表皮焦香，豚肉本身都腌得好入味，加埋温泉蛋落去，令到成个口感都好滑又唔柴，而且都唔会觉得好肥好漏。另外，我都加配套餐(加多$16），可以拣多款小食同饮料，我就拣咗炸鸡翼，佢可以配黑松露汁或者中华辣汁，鸡翼本身都有少少辣，食落几似脆香鸡翼。