北海道食堂 (已結業)

呢日我们到沙田中心食放题，相信一到假日嘅时候，就有好多人，所以我哋都等咗十几至20分钟。不过平时就冇咁排长龙嘅。佢放题有三种，我哋就拣咗中间唔系最贵亦都唔系最平𠮶个。原因系佢会有多啲鱼生啦，同埋烧物各方面都会有多啲选择。咁我哋中间呢一个计埋服务费每人要$306。入面其实都坐得几舒服嘅，不过个冷气有啲冻，所以建议大家着多件衫，带多件褛啦。呢个系餐牌，其实都好多嘢拣嘅，有鱼生、寿司、烧物、天妇罗、沙律、火锅等等。冻呀嘛，所以我哋都有嗌牛肉火锅，份量其实都几多，有肉有菜，大家可以一边等熟一边食鱼生住先。唔好睇到我影到好核突，其实好好食，呢个系烧生蚝，仲有个烧牛舌好好食，但系我冇影到相，黎呢间放题必食啊。佢哋嘅寿司细细个份量唔算多，唔算特别出众，可以试一次。当然唔少得鱼生，佢嘅鱼生个款都好多，都好新鲜，我哋都嗌左三round黎食。酢鲭鱼我都系第一次食，酸酸岩我口味。炸物冇得输，有多春鱼、茄子、一口薯等等，全部都系啱啱炸起。嘢饮系送嘅，其实都好多选择，仲有呢个黑糖姜母茶添啊。最后埋单每人300几蚊，日本菜黎讲真系好抵食，整体来讲我会畀8/10，推荐呀。