韓米 (京瑞廣場2期)

营业中

休息中

今日嚟到石门嘅京瑞广场逛下，商场里面有好多性价比高嘅小食店，途经见到有一间专卖韩国🇰🇷料理嘅外卖店，价钱亲民性价比高，而且种类都好多样化，由韩式炸鸡，水冷面，炒粉丝，拌饭，紫菜包饭……..啱晒我哋呢啲唔钟意同人迫，又可以喺屋企叹到韩料理嘅人😍店舖虽然只系外卖店，但系出边都摆设咗好多长枱高凳可供堂食，目测都有好多学生哥同埋居民帮衬。佢哋除咗可以散叫之外亦都有配有好多套餐选择，啱晒一班选择困难症嘅食友们🍜值得一赞👍系店员好细心详尽咁样介绍佢哋边啲系必叫好食嘅食品🤝韩式炒粉丝：烟韧度高，配上猪肉丝，木耳，红萝卜丝🥕洋葱丝，鸡蛋丝加埋黑胡椒粒炒，辣辣地，又香又惹味。芝士🧀牛肉紫菜卷：饭卷份量件件都大大件，好足料，有芝士，萝卜丝，腌萝卜，牛肉，每一口都超级饱满。五花腩紫菜卷：呢个系店员推介👍出边都冇见过有，用原条五花腩煎香再加埋配料，罪恶感满分😂辣牛肉汤：集合咗鲜，香，酸，辣一身嘅汤品。汤头用上牛肉长时间熬制很浓郁。