影片
更多
2023-09-15
75 浏览
喺沙田返工嘅我都唔知原来帝都酒店开咗间新餐厅，今晚约咗一班朋友来食饭，店舖前身系一间日本菜，而2+2 café & bar就由3楼搬咗落嚟，由以前嘅buffet转成自选餐牌。全新嘅餐牌严选本地新鲜食材，有本地饲养嘅有机粟米鸡、海花鲈鱼及本地有机蔬菜，亦有来自世界各地的优质食材，如日本鹿儿岛A5夏多布里昂和牛柳及澳洲M6和牛斧头扒，海鲜仲有日本松叶蟹、波士顿龙虾、南非鲍鱼、北海道甜虾等等。超级多选择呢~餐厅仲有多款唔同Cocktail，齐齐饮番杯chill一chill2+2 Signature呢杯桃红色嘅Signature，有Bombay Sapphire Dry Gin, Campari, St Germen Elderflower Liqueur, Sparkling Wine，虽然系香槟，但系酒味都好浓郁。Gulfstream绿色几特别，内有Wodka Vodka, Grème de Peach, Pineapple Juice, Grapefruit Juice, Blue Curacao，带少少姜嘅味道，比较容易入口。海鲜拼盘 $888好丰富嘅海鲜拼盘，内有波士顿龙虾、生蚝、南
全新嘅餐牌严选本地新鲜食材，有本地饲养嘅有机粟米鸡、海花鲈鱼及本地有机蔬菜，亦有来自世界各地的优质食材，如日本鹿儿岛A5夏多布里昂和牛柳及澳洲M6和牛斧头扒，海鲜仲有日本松叶蟹、波士顿龙虾、南非鲍鱼、北海道甜虾等等。超级多选择呢~
餐厅仲有多款唔同Cocktail，齐齐饮番杯chill一chill
2+2 Signature
呢杯桃红色嘅Signature，有Bombay Sapphire Dry Gin, Campari, St Germen Elderflower Liqueur, Sparkling Wine，虽然系香槟，但系酒味都好浓郁。
Gulfstream
绿色几特别，内有Wodka Vodka, Grème de Peach, Pineapple Juice, Grapefruit Juice, Blue Curacao，带少少姜嘅味道，比较容易入口。
海鲜拼盘 $888
好丰富嘅海鲜拼盘，内有波士顿龙虾、生蚝、南非鲍鱼、北海道带子同埋虎虾。
海鲜好新鲜，特别系龙虾同埋生蚝，带有海水味，入口爽身，虎虾亦啖啖肉，带子鲜甜不过比较细片。
仲有多款酱汁配搭，鲜辣根汁、辣根茄汁、青柠榄油、泰式酸辣汁、香辣蛋黄酱、南美香辣醋青酱，总有一款啱你口味。
鲜番茄松叶蟹樱花虾方形意大利面 $258
好有心思嘅意大利面，厨师自家炮制方形意大利面以取代传统的圆形面条，原来可以令面条更容易挂上酱汁，面条口感比一般意粉烟韧，仲有丰富蛋味，蕃茄酱汁配上松叶蟹亦都好惹味。
火焰龙虾干邑浓汤 (1/2只新鲜龙虾）$218
即叫即制，会燃点干邑酒，仲有半只新鲜龙虾，龙虾汤味道超浓郁，而且龙虾弹牙爽口，仲有酒嘅香味，奶油令到汤更滑。
黑松露泡沫野菌汤 $108
第一次吃到整片黑松露，可见用料十足，还打成泡沫，增加汤的口感，每啖都饮到野菌的香味，以及黑松露的味道。
火焰海盐焗原条海鲈鱼 $328
好大条嘅海花鲈鱼，以盐焗方式烹调好特别，亦都保持到鱼肉嘅嫩滑，点上冧酒仲有火焰嘅效果，入口盐味不算浓郁。
鹿儿岛A4厚烧和牛肉眼(200克) 配烤虎虾 $628
和牛肉眼油脂分布均匀，入口充满和牛味，肉汁伴随油脂喺口腔渗出，充满饱足感。虎虾被烤过，香气四溢。
榛子软糕 $98
有啲似食紧布甸，不过质感更加软，榛子味道香甜，中间仲有脆脆榛子粒粒。
朱古力心太软配香草雪糕 $98
外脆内软，中间流心，再配搭冰冻嘅雪糕，一冷一热超好吃。
意大利咖啡芝士朱古力 $108
打卡一流的甜品，一打开朱古力波好吸睛，容器好似月球咁样，打开好像进入仙境，Tiramisu好幼滑，球状朱古力少少烟韧，好有口感。
其实餐包都好好食，仲有好多款可以拣，上枱暖笠笠，不过唔记得影相。
由即日起至2023年9月30日
每日首5位预订之顾客可以优惠价HK$588*享用海鲜拼盘 (原价HK$888)
*另收加一服务费 (以原价计算)
张贴
