鐵板超

营业中

休息中

好中意食铁板烧,但价位通常都有d贵,唔系特别既日子都唔会去食。呢排帮朋友庆生,见佢午市66折,加埋佢既海鲜都好豪华,价钱又冇其他铁板烧咁贵,就带左朋友黎庆生。我地叫左u餐,有龙虾、银雪鱼、日本豚。首先食左前菜先,沙律都好正,有士多啤梨,卖相可观。跟著师传就系我地面前烧半只澳洲龙虾。拆肉,切成一口一口,仲有龙虾膏,肥美可口,大满足。师传真系神乎奇技,处理龙虾一板一眼,好似好简单,但有好多年既功力。切完个龙虾头后,一d都唔浪费,拎左去bowl龙虾汤比我地饮,食到浓浓既龙虾味,个龙虾头仲有d肉可以食添呀!个银雪鱼师传都煎得好靓,肉皮煎到好香脆用黎做装饰,最后我都有食到。鹅肝多士煎到恰到好处,好香好惹味。日本豚包住香葱、各款配料,蔬菜加葱,一d都唔油腻。樱花虾饭炒到好香,师傅打蛋仲好劲添!粒粒分明既饭加埋配料,真好食!甜品系雪糕,有lychee同埋芝麻选,我食既系lychee,好清新,加埋薄荷叶,靓。最惊喜系师傅用面粉整左个tinkerbell比我朋友,佢比我地选图案同埋字,师傅倒转都写到happy birthday既英文字。劲!最后仲比我地入去同幅艺术品影相添。朋友系度过左个难忘既生日!